Voucher Code မှားထည့်တာများပြီး ( ၇ ကြိမ်အထက်မှားထည့်မိရင် )
request limit ဆိုပြီးတော့ အနီရောင်စာသားနဲ့ ပေါ်လာတာကို
ဖြေရှင်းပေးထားတဲ့ captcha verification လေး ပါလာပါတယ်။

အရင်ကဆိုရင် ၇ ကြိမ် ၈ ကြိမ်လောက် ဆက်တိုက်မှားတာနဲ့
request limit ဆိုပြီးတော့ နောက်ထပ် ထပ်ပြီးထည့်လို့မရတော့ပါဘူး။
၅ မိနစ်လောက်ထပ်စောင့်မှသာ ပြန်ထည့်လို့ရတာပါ။

အခုတော့ အဲ့လို မှားတာများသွားပြီး request limit စပေါ်တာနဲ့
နောက်တစ်ကြိမ်မှာ အခုပုံထဲလိုမျိုး Captcha Verification ဆိုပြီးတော့
code ထည့်သုံးနေတဲ့သူက တကယ်ပဲမှားနေတာလား၊ ဒါမှမဟုတ်
bot/ script သုံးပြီး voucher code ခိုးသုံးဖို့ကြံနေတာလားကို တားဖို့နဲ့ သိဖို့
ပြန်စစ်တာ ပါလာပါတယ်။

ပုံထဲမှာပေါ်တဲ့ စာသားအတိုင်းရိုက်ထည့်ပြီး မှန်သွားတာနဲ့
အရင်လို request limit ကိုထပ်စောင့်စရာမလိုတော့ပဲ
voucher အမှန်ကို ပြန်ရိုက်ထည့်ပြီး ဝင်နိုင်သွားပါတယ်။

သူတို့ ဒီလိုပြောင်းလဲလိုက်တာကလဲ
voucher code ခိုးသုံးတာကို ကာကွယ်ဖို့ဖြစ်ဖို့များပါတယ်။
ပြီးတော့ code ထုတ်တဲ့သူတွေအနေနဲ့လဲ
ခိုးသုံးရခက်သွားအောင် ကုဒ်တွေကို
စာလုံး ၇ လုံးနှင့် အထက်ထုတ်ပြီး သုံးဖို့လိုပါတယ်။

အားလုံးပဲအဆင်ပြေကြပါစေ။