8:38PM - အခြေအနေပြန်ကောင်း

Ruijie Cloud ထပ်နှေးပြန်ပြီထင်ပါတယ်။
ကုဒ်ထုတ်မရ၊ ကုဒ်ကြည့်မရတွေဖြစ်နေပါသည်။

တော်တော်များများ အင်တာနက်သုံးတာက Social / Video နဲ့ သတင်းတွေကြည့်တာမျိုး အများဆုံးဖြစ်ပါတယ်။

ထို့အတွက် သိပ်အရေးမကြီးတဲ့ ဖိုင် size ကြီးတဲ့
download လုပ်တာမျိုးတွေကို တားဖို့အတွက်

Ruijie Reyee App Block ထဲက
- Databank / P2P Software စတာတွေကို block လုပ်သင့်ရင် လုပ်ထားပါ။

- Online လောင်းကစားတွေအတွက်ကတော့ Online_Gambling
VPN Protocol တွေကိုပိတ်ချင်ရင်တော့ NetworkService ဆိုတာတွေကို
ထည့်ပြီးပိတ်နိုင်ပါတယ်။

လက်ရှိ Data Plan ပြောင်းခိုင်းခံရတဲ့စက်တွေကလဲ
ကျွန်တော့် တစ်ဦးတည်းအမြင်အရဆိုရင်
Traffic သုံးတာများတယ် မများဘူးထက်
File Storage / Hosting တွေကနေ ဖိုင်ကြီးတွေ ဒေါင်းလုပ်အဆွဲများတာမျိုး၊
ပြီးတော့ ကန့်သတ်ထားတဲ့ ဖိုင်မျိုး၊ copyright ပါတဲ့ ဖိုင်များ ( ဥပမာ ဇာတ်ကားတွေ၊ crack software တွေ etc.. ) တွေ ဆွဲတာများတာမျိုးကြောင့်လဲ
ဖြစ်နိုင်ပါတယ်။

ထို့အတွက် ကိုယ်ကတော့ မဆွဲဘူးဆိုပေမယ့်၊ wifi လွင့်ထားတော့
အောက်က သုံးနေတဲ့သူတွေက ဆွဲနေရင်လဲ ကိုယ့်စက်ပဲ ထိနိုင်မယ့်အမျိုးဆိုတော့
Social / Video / News တွေကိုသာ ဦးစားပေးဖွင့်ထားပြီး
ကျန်တာတွေကို ပိတ်ထားတာက အနည်းအကျဉ်းသက်သာပါလိမ့်မည်။

#timecodemanager

မနက်ဖြန် ပိတ်မယ် ၊ မပိတ်ဘူးဆိုတာတော့
မကြာခင် အဖြေထွက်လာတော့မှာပဲ ဖြစ်ပါတယ်။

တကယ်ပိတ်ခဲ့ရင်တော့ အီလွန်မက်နဲ့ အမျိုးတော်စပ်သူတွေက
လိုင်းပေါ်မှာတက်တက်ရေးပြီး ပြောတာ
မှန်ကန်တယ်လို့ သတ်မှတ်ရမှာဖြစ်ပြီး
တကယ်မပိတ်ခဲ့ရင်တော့ စက်ပိုင်ရှင်တွေ ဝမ်းသာရမှာပဲဖြစ်ပါတယ်။

မပိတ်ခဲ့ရင်တော့ လိုင်းပေါ်မှာ စာရေးရေးပြီး စက်ပိုင်ရှင်တွေကို
စိတ်ဒုက္ခအပေးဆုံးဖြစ်တဲ့ အီလွန်မက်အမျိုး နဲ့ သွေးမတော်တဲ့ သား တွေကိုလဲ
ပြန်လည်ပြီး စိတ်ဒုက္ခထပ်ပေးရမှာဖြစ်ပါတယ်။ 😅

( ဘောလုံးပွဲ ကြေငြာတဲ့ အသံမျိုးဖြင့် ဖတ်ရန်။ 😁 )

Expired ဖြစ်သွားတဲ့ Voucher Code တွေကို အမြဲ ဖျက်ထားသင့်လားဆိုတာ..
တစ်ချို့ဆိုရင် expired ဖြစ်နေတဲ့ voucher တွေပဲကို
4000 ကျော်လောက်ထိမဖျက်ပဲ ထားထားတာတွေ့ဘူးပါတယ်။

မဖျက်တာလဲပါမယ် ဒါမှမဟုတ် ဖျက်ရမယ်ဆိုပြီးတော့
ပြောပြမယ့်သူမရှိတာလဲပါလောက်ပါမယ်။

အကောင်းဆုံးကတော့ expired code တွေကို
ပြန်လိုက်စစ်မှာမဟုတ်ရင် ဖျက်ထားတာကောင်းပါတယ်။

ဒါက မိမိ project ( gateway id တစ်ခုစာ ) အတွက် voucher code allocate ( database ) အတွက်လဲ ပိုမိုပေါ့ပါးစေနိုင်ပါလိမ့်မယ်။
ထို့အတူ ruijie cloud ဘက်မှာလဲ data တွေ ရယူရတာ၊ generate လုပ်ရတာတွေအတွက်လဲ ဝန်ပေါ့စေသွားမှာပါ။

သုံးပြီးသား code တွေကို လွယ်လွယ်ကူကူနဲ့ အမြန်ဖျက်ဖို့အတွက်
အောက်ပါနည်းလမ်းလေးတွေနဲ့ ဖျက်နိုင်ပါသည်။
ဖျက်နည်း ( ၁ )
https://www.facebook.com/share/p/1AAQsvwZHP/
ဖျက်နည်း (၂)
https://www.facebook.com/share/v/1DN4npLai8/

#timeCodeManager

- တစ်ချို့ Code ထည့်ရတာကြာတယ်၊
- Code ထည့်တဲ့ဟာ ပေါ်ဖို့ကြာတယ်
- ထည့်ထားတဲ့ code တွေလဲ ပြန်ပြုတ်ပြုတ်သွားတယ်ဆိုပြီး
လာမေး၊ လာပြောကြတာတွေရှိပါတယ်။

မိမိတို့လဲ အဲ့လိုကြုံနေရရင် အကုန်လုံးဖြစ်နေပါလားဆိုတာ
သိရအောင် post တင်ပေးခြင်းဖြစ်ပါသည်။

"မြန်မြန် ပြန်အဆင်ပြေဖို့အတွက်ကတော့
Ruijie ဘက်ကို report ဝိုင်းတင်ဖို့ပဲ အကြံပေးဖြစ်ပါတယ်ခင်ဗျ"

ကျွန်တော်တော့ ကြားထဲကနေ error ဖြစ်တိုင်း
report လုပ်ပေးရတာပင်ပန်းလာပြီမို့ နားပါပြီ။
အမြဲ report လုပ်ပေးပြီး error တွေကိုလဲ
အချိန်နဲ့တစ်ပြေးညီ တင်ပေးဖြစ်၊ ကူညီပေးဖြစ်ပြန်တော့လဲ
ကျွန်တော့်ကို ruijie ဘက်ကလူထင်ပြီး
တစ်ချို့တွေက မင်းတို့ ruijie က ဘာညာတွေနဲ့ လာဆဲတာမျိုးတွေ၊
အထင်လွဲတာမျိုးတွေ ကြုံခဲ့ရပါတယ်။

ဆိုတော့ စက်ပိုင်ရှင်တွေနဲ့ ruijie ကြား error တစ်ခုခုဖြစ်တိုင်း
ကူညီပြီး report တင်ပေးတာမျိုးတွေ နားလိုက်ပြီဆိုတာ အသိလာပေးတာပါ။

ကိုယ်တိုင် report တင်လို့ရအောင်အတွက်လဲ
အရင်က post လေးတင်ပေးထားဖူးပါတယ်။

---------
လက်ရှိတော့ ကိုယ်လက်ခံထားတဲ့ Project တွေအတွက်လောက်ပဲ
အားပိုစိုက်ပေးဖြစ်ပါတော့မယ်။

အားလုံးပဲအဆင်ပြေကြပါစေ။

#timeCodeManager
#ruijieVoucherManager

Firmware အသစ်တွေမှာတော့ http inject ပါတဲ့ VPN တွေနဲ့က
တော်ရုံကျော်မရတော့ပါဘူး။
Firmware အဟောင်းနဲ့စက်တွေမှာတော့
လွယ်လွယ်ကူကူကျော်လို့ရနေပါဦးမည်။
အကယ်လို့ အသစ်ရော၊ အဟောင်းရောမှာပါ တော်ရုံ http inject vpn ကျော်သုံးလို့မရအောင်ဆိုရင်တော့
dns redirect ကိုပြင်သုံးရင် အေးဆေးဖြစ်ပါတယ်။
http inject vpn တွေတော်တော်များများက
ruijienetworks(.)com ကို မှီခိုပြီးကျော်တာများပါတယ်။
ထို့အတွက် အဲ့ဒါကို မသုံးတော့ပဲ ကိုယ့်စိတ်ကြိုက် url နဲ့သုံးလိုက်တာမျိုးပါ။
အခုလို ပိတ်လို့ရတယ်ဆိုတာကိုတော့ share လုပ်ပေးလိုက်ပါတယ်။
ကျန်တာကတော့ မိမိတို့ ဆားဗစ်အပ်ထားတဲ့ ဆရာတွေကိုပြောပြီးတော့ပဲ
လုပ်ပေးခိုင်းရုံပါပဲ။

#timeCodeManager
#ruijieVoucherManager

မနေ့ကရင်း voucher code မတောင်းပဲ၊
Auto ချိတ်ပြီး လိုင်းသုံးနေလို့ရနေတယ်ဆိုပြီး
လာမေးကြပါတယ်။

တော်တော်များများကတော့ Ruijie Cloud Error ဆိုပြီးထင်နေကြပါတယ်။

ကျွန်တော်တို့ထံမှာ လစဉ်ဆားဗစ်အပ်ထားတဲ့
စက်တွေကိုစစ်ကြည့်လိုက်တဲ့အချိန်မှာတော့
Ruijie ဘက်က မဟုတ်ပဲ
အင်တာနက်လိုင်းဘက်ကနေ dns resolve မဖြစ်တော့
ruijie portal ရဲ့ address အသစ်ကို မသိတော့ပဲ error ဖြစ်သွားတာမျိုးပါ။

Voucher Code တောင်းတာမပေါ်လာပဲ
လိုင်း Auto ချိတ်သွားတယ်ဆိုတာကလဲ အရင်ကတင်ဖူးထားသလို
Portal Bypass ကို ဖွင့်ထားကြလို့ပါ။
အကယ်လို့ Auto မချိတ်စေချင်ရင်တော့
မိမိတို့စက်ကိုဆားဗစ်လုပ်ပေးထားတဲ့သူတွေကိုဆက်သွယ်ပြီး
Portal Bypass ပိတ်ထားလား၊ မပိတ်ထားဘူးလား စစ်ဆေးခိုင်းကြည့်ပါ။
Voucher Code မတောင်းတဲ့ error ကတော့
dns resolve ဖြစ်သွားရင် ပြန်ကောင်းသွားပါလိမ့်မယ်။
အဲ့ဒါကို မစောင့်ချင်ဘူးဆိုရင်လဲ ဆားဗစ်ဆရာတွေကိုအပ်ပြီး
ပြင်ခိုင်းလို့ရပါတယ်။
---
ကျွန်တော်တို့နား svip ဝင်ထားသူ၊ လစဉ်ဘေဆောင်နေသူများအနေနဲ့
အထပ်ပါ error ကြုံနေရရင်လဲ လာရောက်ပြောပေးပါ။
အဆင်ပြေအောင်ပြင်ဆင်ပေးပါမည်။

#timeCodeManager
#ruijieVoucherManager

ဘယ်ဖုန်းက အများဆုံးသုံးထားလဲကြည့်ပြီး
speed limit လုပ်ချင်တဲ့သူတွေအတွက်
ဒီဟာလေးနဲ့ GB အများဆုံးသုံးနေတဲ့ Devices ကို
အစဉ်လိုက်ပြပေးပါတယ်။
( Data အတိအကျကတော့ Time Code App က ဆုံးဖြတ်တာမဟုတ်ပဲ
Ruijie Cloud က ပေးတဲ့ data ကိုပဲ အများဆုံးဟာကို အပေါ်ဆုံးမှာပြအောင်လုပ်ပေးထားတာပါ။ )
----------
Client Sync Update အတွက် လုပ်နေတာလေးပြီးသွားရင်တော့
Data တွေကို ယခုထပ် ပိုပြီး update ပြလာနိုင်တော့မှာပါ။
အဲ့ဒါသာရသွားရင် အချိန်ပြည့်ပြီး လိုင်းမဖြတ်သွားတာတွေ၊
GB Limit ကိုမှ ပြည့်သွားပေမယ့် နောက်ထပ် GB ကျော်သွားမှ
လိုင်းပိတ်သွားတာမျိုးတွေအတွက် ပိုပြီး အဆင်ပြေလာပါလိမ့်မည်။
#timeCodeManager
#ruijieVoucherManager

အခုရက်ပိုင်း internet data usage များလို့ဆိုပြီး
Roam Unlimited ကနေ GB အလိုက်ပေးရတဲ့ Plan ကိုပြောင်းခိုင်းတာတွေ
ကြုံရတာတွေ့ရပါတယ်ဗျ။

Roam Unlimited Plan ဖြစ်နေသေးတဲ့သူတွေအနေနဲ့
Data usage ကို အများကြီး မဖြစ်သွားအောင် စဉ်းစားရပါတော့မယ်။

ဒါကြောင့် မိမိတို့ voucher code group တွေမှာ
Speedlimit တွေ မကန့်သတ်ထားရင်
မဖြစ်မနေ speed limit ကန့်သတ်ထားဖို့ လိုလာပါပြီ။

နောက်တစ်ခုကတော့ tiktok အသုံးများတဲ့သူတွေရယ်၊
Telegram ကနေ video တွေကြည့်တာ၊ ဒေါင်းလုပ်လုပ်တာတွေကို
limit ကန့်သတ်နိုင်ရင်လည်း သိသိသာသာ သက်သာပါလိမ့်မည်။

#timeCodeManager
#ruijieVoucherManager

ခိုးသုံး၊ကျော်သုံးတာတွေကို သက်သာစေဖို့
ARP Guard ဆိုတဲ့ feature လေးသုံးလို့ရပါသေးတယ်။
မိမိတို့ wifi က တစ်နိုင်တစ်ပိုင်ပဲ ဆိုရင်တော့
ဒီ feature ကသုံးလို့အဆင်ပြေတယ်။

MAC - IP နဲ့ bind မလုပ်ထားတဲ့ ဖုန်းမှန်သမျှ
လိုင်းသုံးမရအောင်လုပ်ပေးတာမျိုးပါ။
အဲ့တော့ ဘယ်လိုပဲ ကျော်ကျော် လိုင်းမရတော့ပါဘူး။
နောက်ဆုံး သူတို့ဖုန်းကို mac ပုံစံတူပြောင်းနိုင်မှသာ အင်တာနက်ရတော့မှာဖြစ်ပါတယ်။

အဝေးတွေထိ အများကြီးလွင့်နေတဲ့သူတွေအတွက်ကတော့ အဆင်ပြေမှာမဟုတ်လောက်ပါဘူး။ သေချာလေး စစ်ပြီးလုပ်နိုင်ရင်တော့ တကယ်ကို ကောင်းပါတယ်။

( အခု feature ရဲ့ သဘောကတော့ ကိုယ်သိတဲ့သူတွေရဲ့ဖုန်းပဲ လိုင်းတက်တော့မယ်ဆိုတာမျိုးပါ။ အဲ့အတွက် ကိုယ့်ဘက်ကနေတော့ သူတို့ စစချင်းလာသုံးတဲ့အခါမျိုးမှာ သူတို့ phone mac address နဲ့ ip နဲ့ တွဲပြီး တစ်ခေါက်တော့ bind ဆိုတာလေး နှိပ်ပေးရပါလိမ့်မယ်။ )

#timeCodeManager
#ruijieVoucherManager

Ruijie မှာက ကိုယ့် Project ထဲက usergroup မဟုတ်ပဲ
အခြားနည်းတစ်ခုနဲ့ဖြစ်ဖြစ် voucher code နဲ့ဝင်ပြီး
ကျော်သုံးနေတာမျိုးတွေအတွက်က
Ruijie Cloud ဘက်က မပိတ်ပေးနိုင်သေးရင်တောင်
စက်ဘက်ကနေ သက်သာအောင် လုပ်လို့ရတာရှိပါတယ်။
အဲ့ဒါကတော့ client syncing timeout ကို amount နည်းလိုက်တာမျိုးပါ။
အဲ့ဒီလိုလုပ်လိုက်ချင်းအတွက် အားသာချက်တွေအများကြီးရှိပါတယ်။
ဘယ်လိုအားသာသွားလဲဆိုတော့ -
- Client Update တွေမြန်လာမယ်၊
update မြန်လာတဲ့အတွက် auth usergroup မှန်မမှန်စစ်တာတွေ
မြန်သွားပြီး၊ auth usergroup မဟုတ်ရင် kick auto လုပ်သွားပါမယ်
- အချိန်ပြည့်သွားပေမယ့် အင်တာနက်ဆက်သုံးလို့ရနေတာမျိုးတွေလဲ
client update / auth user group update မြန်သွားတဲ့အတွက်
အချိန်ပြည့်တဲ့ voucher code တွေကို သိတာမြန်ပြီး
အင်တာနက်ပိတ်ချတာ ပိုမြန်လာပါတယ်။
- ကိုယ့် Voucher Group ထဲက voucher code မဟုတ်နေသရွေ့
အဲ့ဒီ code တွေက အမြဲတမ်း ကိုယ့် project မှာ live မဖြစ်နေတော့ပဲ
ဘယ်လိုပဲ ကျော်ကျော် သူတို့ကျော်လိုက်၊ ဒီဘက်က Kick လိုက်နဲ့
auto လုပ်ပေးနေပါလိမ့်မယ်။

Read More :
https://www.facebook.com/share/p/1DyR8msrnr/

လက်ရှိ ID တောင်းတာအတွက် Passport မရှိခဲ့ရင်
မြန်မာ ယာဉ်မောင်းလိုင်စင်နဲ့ တင်လို့ အောင်သွားတာတွေရှိပါတယ်။

အဓိကတော့ စတားလင့်အကောင့်ကအမည်နဲ့ ယာဉ်မောင်းလိုင်စင်ကအမည်နဲ့
တူဖို့တော့လိုပါမယ်။
ပြီးတော့ သက်တမ်းမကုန်ထားရပါဘူး။

လိုင်းပိတ်တာ မပိတ်တာက ကိုအီလွန်တို့ရဲ့ အပိုင်း။
လက်ရှိ သူများတွေလဲ လိုင်းရနေသရွေ့ ကိုယ်လဲ လိုင်းရနေအောင်
ဘေကတော့ ဆောင်လိုက်ရတာပါပဲ။
အဲ့တော့ Bill လေးလဲဆောင်၊ SVIP လေးလဲယူပြီး
သုံးနေရုံပေါ့ဗျာ။

#ruijieVoucherManager

Ruijie Gateway တွေမှာ firmware update လုပ်ထားရင်
Prevent Http injection attack ဆိုတဲ့
HTTP Inject Method နဲ့ VPN ကျော်သုံးတဲ့စနစ်ကို ကာကွယ်ပေးတာ
တရားဝင် ပါပါတယ်။
Time Code Manager ရဲ့ SVIP ထဲမှာလဲ အဲ့ဒီ feature ကို
အလွယ်တကူ ပိတ်/ဖွင့် လို့ရအောင် ထည့်ပေးထားပါတယ်။
တစ်ခု သတိထားရမှာက
Prevent Http Injection Attack ဆိုတာကို ဖွင့်လိုက်ရင်
Gateway အောက်မှာ ရှိတဲ့ AP / Router တွေ အကုန် offline ဖြစ်သွားတာပါ။
ဒါကြောင့်လဲ တစ်ချို့ service ဝါမရင့်သေးတဲ့ ဆရာတွေက
အဲ့ဒီ feature ကို မဖွင့်ပဲ ပိတ်ထားခဲ့ကြပါတယ်။
( offline ဖြစ်သွားရင် ပြန်မလုပ်ပေးတတ်ကြလို့ပါ။ )
အဲ့လို ပိတ်ထားတော့ http injection ပါတဲ့ vpn နဲ့က
သာသာယာယာ ကျော်သုံးလို့ရနေတာပါ။
အဲ့တော့ ပိုင်ရှင်တွေက သူတို့ ဝိုင်ဖိုင်ကြီး
vpn နဲ့အလွယ်ကျော်သုံးလို့ရနေတယ်ဆိုပြီး လာလာမေးကြတော့တာပါပဲ။
ဒါကြောင့်
Time Code Manager SVIP ဖြစ်ထားရင်
HTTP Injection attack prevention ကို ဖွင့်သုံးပါ။
( ap / router တွေ offline ဖြစ်သွားရင် ကျွန်တော့်ထံကို
Project share လုပ်ပေးပါ၊ mac allow list ပေါင်းထည့်ပေးပါမည်။ )

မနေ့က Post လေးတင်လိုက်တော့
ဘယ်တံဆိပ်တွေက လုံခြုံရေးပိုကောင်းလဲဆိုပြီး
လာမေးကြလို့။
တကယ်က စက်တွေမစဉ်းစားခင်
အင်တာနက်သာ GB နဲ့ သုံးသလောက် ဆောင်ရတော့မယ်ဆိုရင်
အင်တာနက်လွင့်တဲ့ လုပ်ငန်းကတွေက ဘယ်လိုမှအဆင်မပြေနိုင်တော့ပါဘူး။
လုံခြုံပါတယ်ဆိုတဲ့ စက်တွေမှာလဲ
အလွယ်ဆုံးနည်း mac MAC spoofing နည်းနဲ့တင်
မိမိတို့ လွင့်ထားတဲ့ wifi ကို share လုပ်သုံးလို့ရနေမှာပါ။
( GB Limit ချုပ်ထားရင်တော့ သက်သာပါမည်။ )
အခြားနည်းတွေလဲ စက်အမျိုးအစားပေါ်မူတည်ပြီး
ကျော်လို့ရတာတွေရှိပါသေးတယ်။
ဆိုတော့ GB နဲ့ သုံးသလောက်ဆောင်ရတဲ့အခါမျိုးမှာ
လုံခြုံပါတယ်ဆိုပြီး ကိုယ်က ဝယ်သုံး၊ ပြောင်းသုံးလိုက်ရင်တောင်
အမြဲတမ်းလုံခြုံနေမှာမဟုတ်တဲ့အပြင်၊ ရောင်းတဲ့သူတွေလဲ
100% လုံခြုံပါတယ်ဆိုပြီး အာမခံမပေးနိုင်ကြပါဘူး။
အဲ့တော့ ကိုယ့် wifi မှာ တစ်ယောက်ပဲ ခိုးသုံးခံလိုက်ရတာနဲ့တင်
GB တွေ တက်လာပြီး စက်ပိုင်ရှင်ကတော့ ကျသလောက် ဆောင်ပေတော့ပဲ။
အကောင်းဆုံးကတော့
GB နဲ့မဟုတ်ပဲ
အရင်လိုပဲ unlimited plan လေးနဲ့ပဲ ဆက်သုံးလို့ရဖို့ပဲ
မျော်လင့် စောင့်ကြည့်ရတော့မယ်။
GB နဲ့ ကျသလောက်ဆောင်တာက အိမ်သုံးသီးသန့်တောင်မှ
GB တွေကို အမြဲတမ်းစောင့်ကြည့်နိုင်မှ တော်ကာကျတာ၊
အခြားသူကိုပါ လွင့်ပေးထားလိုက်ရင်တော့ တစ်ချက်လွတ်သွားတာနဲ့
ကိုယ်က အိတ်စိုက်ရပြီပဲ။

#timeCodeManager
#ruijieVoucherManager

အကယ်လို့သာ အင်တာနက်ကို GB တွေနဲ့
သုံးသလောက် ဘေဖိုးဆောင်ရတော့မယ်ဆိုရင်
စက်ပိုင်ရှင်တွေအနေနဲ့ ခေါင်းခဲစရာရှိလာတာက
Voucher Code တွေကို GB Limit နဲ့ လုပ်ရပါတော့မယ်။
( GB နဲ့ သုံးသလောက်ဆောင်ရမယ့် plan လဲ
လက်ရှိ အဆင်ပြေမပြေကတော့ ဘယ်သူမှ သေချာမသိသေးပါဘူး )
Ruijie မှာတော့ GB Limit နဲ့ပါပေမယ့်
အဆင်မပြေနိုင်သေးတာက ခိုးသုံးလို့ရနေတဲ့ အပေါက်တွေက
တစ်ခုမဟုတ် တစ်ခု ပေါ်ပေါ်လာတတ်တာပါပဲ။
( ကြားထဲမှာသာ Ruijie က သူတို့ product တွေကို ပိုပြီးလုံခြုံအောင်
ပြင်ဆင်ပေးလာနိုင်ရင်တော့ လက်ရှိ စက်ပိုင်ရှင်တွေအတွက်
ခေါင်းစားစရာတစ်ခုတော့ သက်သာသွားမှာပါ။ )
အဲ့တော့ ကိုယ်က GB Limit နဲ့ လုပ်ထားတောင်
ခိုးသုံးတဲ့သူတွေရှိနေသမျှ၊ မိမိတို့ အင်တာနက်ဘေဖိုးက
အများကြီး ကုန်ကျသွားမှာဖြစ်ပါတယ်။
ဆိုတော့ ---
GB နဲ့သာ ဆောင်ပြီး သုံးလို့ရတော့မယ့်အမျိုး ဖြစ်လာရင်တော့
အင်တာနက်လုပ်ငန်း လုပ်နေတဲ့သူတွေအနေနဲ့
လုံခြုံရေးမြင့်ပြီး၊ GB တိတိကျကျနဲ့ အင်တာနက်ဖြတ်ပေးနိုင်တဲ့စက်တွေ
လိုလာပါတော့မယ်။
ပြီးတော့ လက်ရှိမှာ လုံခြုံပါတယ်ဆိုပြီး ...

Read more : https://www.facebook.com/share/p/1MxYfq5cQS/

Time Code Manager 2.6b လေး update ရပါပြီ။
Playstore မှာ သွားရောက်ပြီး update လုပ်လို့ရပါပြီ။

အခု ဗားရှင်းမှာတော့
SVIP Member တွေအတွက်
ကျော်သုံးတာတွေကို ကန့်သတ်ဖို့အတွက်
Feature အသစ်တွေထည့်ထားပေးတဲ့အတွက်
update လုပ်ကို လုပ်သင့်ပါတယ်။

နောက်ဗားရှင်း update မှာလဲ
cloud အပြင် local gateway ထဲအထိပါ ဝင်ပြီးတော့
ဒီထက် ပိုပြီး ထိန်းချုပ်လို့ရမယ့် feature တွေ လာပါဦးမည်။

-----------
နောက်ပိုင်းမှာ SVIP Feature တွေကိုဦးစားပေးပေါင်းထည့်သွားမှာဖြစ်လို့
SVIP ဝင်မယ့်သူတွေအတွက်လဲ
ယခုစျေးနှုန်းထက်သက်သာအောင်
ကြိုးစားပေးပါမည်။

#timeCodeManager
#ruijieVoucherManager