Ruijie စက်ပိုင်ရှင်တွေအတွက် ဝမ်းသာစရာသတင်းကောင်းလေးကတော့
အခုနောက်ဆုံး EG Series Firmware update မှာ
GB Limit တွေကို အတိအကျနီးပါးအထိ ဖြတ်ပေးနိုင်သွားပြီဖြစ်ပါတယ်။
( cloud မှာတော့ အရင်လိုပဲ update နောက်ကျတာကလွဲပြီး )

ပြီးတော့ customer တွေဘက်ကနေလဲ
သူတို့သုံးထားတဲ့ GB/MB တွေလဲ ကြည့်လို့ရသွားပြီဖြစ်ပါတယ်။

လက်ရှိကတော့ သူတို့ထည့်ပေးလာတဲ့ web လေးက
ကြည့်ရတာ နည်းနည်းပိုရှုပ်သွားပေမယ့်
လက်ကျန် GB ကြည့်လို့ရတာကို တော်တော်လန်းသွားပါပြီ။

အဲ့အတွက် သုံးတဲ့သူတွေဘက်က ရှင်းရှင်းလင်းလင်းနဲ့
လက်ကျန်လေးတွေကြည့်လို့ရအောင်
app သေးသေးလေးတစ်ခုထုတ်ပေးပါဦးမည်။

ဒီတစ်ခေါက် Ruijie ရဲ့ action ယူပေးလာတာလေး
မဆိုးဘူးပြောရမယ်။

လက်ရှိ မိမိတို့ စက်ကို နောက်ဆုံး ဗားရှင်း Update လုပ်ပြီးသုံးလိုက်ရင်
အခု feature တွေပါလာပါလိမ့်မည်။

( မှတ်ချက်။ ။ update လုပ်တဲ့အချိန် မီးမပျက်အောင် ဂရုစိုက်ပါ။ )

#timeCodeManager

အခု App အကြောင်းကို
https://t.me/ruijievouchermanager/654 မှာ ဖတ်နိုင်ပါသည်။

Ruijie_Client_Sync_Update.apk

1.5 MB

- အချိန်ပြည့်သွားပေမယ့် လိုင်းမဖြတ်သွားပဲ 
  ဆက်သုံးလို့ရနေတာ၊
- GB Limit ပြည့်သွားပေမယ့်၊ လိုင်းမဖြတ်ပဲ
  ဆက်ပြီးသုံးလို့၇နေသေးတာ

စတာတွေကို သက်သာအောင် ပြုလုပ်ပေးနိုင်မယ့်
Ruijie Client Sync Update Application

( Client Sync က ၂ ရက်တစ်ခါ ၅ ရက်တစ်ခါလောက်
ပြန်ပြီး ဝင်ဝင်စစ်ပေးနေရမှာပါ။ သူက Auto ပြန်ပြီးတော့
600s ပြန်ဖြစ်သွားနိုင်တာမို့ပါ။
600s ပြန်ဖြစ်သွားရင်လဲ ပြန်ပြီးတော့ 10s ပြန်လုပ်လိုက်ရုံပါပဲ။ )

ွှTime Code Manager ရဲ့ SVIP မှာ ပေါင်းထည့်ပေးဖို့
မလွယ်ကူသေးတာနဲ့
App သီးသန့်လေး အရင်လုပ်ပေးလိုက်တာပါ။

Time Code Manager ရဲ့ SVIP အဖွဲ့ဝင်ဖြစ်နေမှသာ
သုံးလို့ရမှာဖြစ်ပါတယ်။

Application Download ဆွဲရန်
https://t.me/ruijievouchermanager/655


#timeCodeManager

Gateway မှာ speed limit လုပ်ထားလိုက်ပြီလေ။
အဲ့တော့ အေးဆေးပဲဆိုပြီးတော့ သေချာမစစ်ပဲနဲ့
ပစ်မထားကြပါနဲ့ဦး

speed limit လုပ်ထားတာက အလုပ်လုပ်လား၊ မလုပ်ဘူးလားဆိုတာကို
ကိုယ်တိုင် ဖုန်းမှာ voucher code ထည့်ပြီးတော့
speed test တွေ သေချာပြန်စစ်ကြည့်ပါ။

Ruijie ရဲ့ Smart Traffic Control ကြောင့်ရယ်၊
တစ်ချို့ စာသေချာမဖတ်ပဲ
Hardware acceleration သွားဖွင့်ထားမိရင်
Voucher code မှာ speed limit လုပ်ထားလဲ
သုံးနေတဲ့ဖုန်းတွေက ပျော်ပျော်ကြီး Unlimited Speed နဲ့ဖြစ်နေပါမယ်။


#timeCodeManager

GB နဲ့ ပြောင်းပြီး ကုဒ်ထုတ်နေတဲ့သူတွေအတွက်လဲ

- Connected Devices မှာ code မှာသတ်မှတ်ထားတဲ့ GB ရယ်
ဘယ်လောက်သုံးထားပြီလဲဆိုတာ ဖော်ပြပေးထားပါတယ်။
- Print အတွက်လဲ GB Limit လေးပါချင်သူတွေအတွက်
Style 4 အသစ်ထပ်ထည့်ပေးထားပါသည်။

Time Code Manager 2.6c update လေးထုတ်ပေးထားပါတယ်။
Google Play Store မှာ သွားရောက်ပြီး update လုပ်နိုင်ပါပြီ။

———-

GB Limit နဲ့လုပ်ထားပေမယ့်
GB ပြည့်သွားတာတောင် လုံး၀မပိတ်သွားတဲ့ပြသနာအတွက်လဲ
ပြင်လို့ရနိုင်မယ့် App သီးသန့် တစ်ခုထုတ်ပေးပါမည်
( သို့မဟုတ် ) svip ထဲမှာ ပေါင်းထည့်ပေးပါမည်။



#timeCodeManager

သေချာစဉ်းစားဖို့လိုမယ့် GB နဲ့ဆောင်ရမယ့် plan !!!

တော်တော်များများက GB နဲ့ဆောင်ရမယ်ဆိုရင်လဲ
ဆောင်ပြီးသုံးမယ်ဆိုပြီး ဆုံးဖြတ်ထားကြတာရှိပါတယ်။

အိမ်သုံးတွေအတွက်က သိပ်ပြသနာမရှိပေမယ့်
အပြင်ကို လွင့်ပြီး wifi လုပ်ငန်းလုပ်နေတဲ့သူတွေအတွက်
ကိုယ်အိတ်စိုက်ရမယ့်အရေးက ပိုများပါတယ်။

အိမ်သုံးမှာတောင် သေချာ မထိန်းသိမ်းနိုင်ရင်
မလိုအပ်ပဲ GB တွေ သုံးမိသွားတာတွေ ရှိကိုရှိပါတယ်။
( နည်းပညာပိုင်း ကျွမ်းကျင်နေတဲ့သူတွေတောင်
ဘယ်လောက်ပဲ Limit လုပ်လုပ်၊ တစ်ချက်လေးလွတ်သွားတာနဲ့
GB က တက်သွားမှာပါပဲ )

အဲ့တော့ အပြင်ကိုလွင့်ထားပြီး wifi လုပ်ငန်းလုပ်နေတဲ့သူတွေက
ပိုလိုတောင် သေချာစဉ်းစား ရပါမယ်။

- အမြဲတမ်း အချိန်မပြတ် စောင့်ကြည့်နိုင်မလား ?
- တစ်ခုခုဖြစ်ခဲ့ရင် ဆားဗစ်ဆရာမလိုပဲ ကိုယ်တိုင် ဖြေရှင်းနိုင်မလာ ?
- မိမိတို့သုံးနေတဲ့စက်တွေကရော
တကယ်ပဲ သေချာထိမ်းသိမ်းပေးနိုင်သလား ?
( တစ်ချို့ စိတ်ချရပါတယ်ဆိုပြီး ကြော်ငြာနေတဲ့ brand တွေကရော
တကယ်ပဲ ၁၀၀% အာမခံပေးနိုင်လား ? ၊ တစ်ခုခုလွတ်ထွက်သွားတာနဲ့
၁ ရက်တည်းနဲ့ သိန်းဆယ်ချီ ဘေဆောင်ရနိုင်ချေဖြစ်သွားပါမယ် )

ဆိုတော့
https://www.facebook.com/share/p/19QD9XeCfZ/

GB Limit နဲ့ ပြောင်းမှာမို့
App ထဲက Connected Devices ထဲမှာ
GB ဘယ်လောက် limit ကို ဘယ်လောက်ထိသုံးထားပြီလဲ ပြပေးတာလေး
Update မှာ ထည့်ပေးနေပါတယ်။

ကိုယ်ကသာ ထည့်ပေးလိုက်ပေမယ့်
ပြသနာက ရှိသေးတယ်။

အဓိကတော့ ruijie cloud ရဲ့ sync နှေးတာရယ်
History တွေ ဖျက်မရတာတွေရယ်ကြောင့်
အခုပုံထဲမှာပြထားတဲ့အတိုင်း
694MB က ကိုယ့်စက်မှာ ချိတ်သုံးထားသမျှ MB စုစုပေါင်း

ဒုတိယနေရာမှာပြထားတဲ့ 2GB/2MB ဆိုတာက
လက်ရှိ ထည့်သုံးထားတဲ့ code ရဲ့ limit နဲ့သုံးနေတဲ့ ပမာဏ။

အဲ့ဒီမှာ model ဘေးမှာတော့ 694MB ကြီးနဲ့
code က usage မှာက 2MB ပဲသုံးရသေးတယ်ဆိုပြီး
ဘာကြောင့်ဆိုတဲ့ မေးခွန်းတွေ အမေးများလာဦးမှာ မြင်ယောင်မိ။

ဘယ်လိုပဲဖြစ်ဖြစ်၊ အပြောင်းအလဲကို မီအောင်တော့ လိုက်ပြီး
update လုပ်ပေးနိုင်အောင် ကြိုးစားပေးနေပါတယ်။

data တိကျတာ၊ မကျတာကတော့ Ruijie အပိုင်းပေါ့ဗျာ။

#timeCodeManager

US မှာ 17 ရက်မှ မရောက်သေးတာဆိုပြီး စောင့်နေတဲ့သူတွေအတွက်
US မှာ 17 ရက်ကိုမှ 11 နာရီခွဲပါပြီ၊ နေ့လယ်ရောက်ပါတော့မယ်

အခုထိ မပိတ်ခံရဘူးဆိုတော့
ပိုင်ရှင်တွေအတွက် ဝမ်းသာစရာပါပဲ။

တကယ်က သူတို့ Policy အသစ်က
ဒီနေ့မှာ စတင်အကျူံးဝင်တာကို ပြောတာပါ။

သို့ပေမယ့် ဟိုတစ်ပေါက် ဒီတစ်ပေါက်နဲ့ ဒီနေ့ပိတ်မယ်ဆိုပြီး
နာမည်တွေကြီးကုန်တာ။

အခုလဲ နောက်ထပ် Data GB နဲ့ပြောင်းခိုင်းတယ်ဆိုပြီး
ထပ်ပြီး hot လာပြန်ပြီ။
ပြောင်းခံရတဲ့စက်တွေရဲ့ alert ထဲမှာ စာပါပြီးသား၊
ပြီးတော့ terms & conditions ပါ Link ချိတ်ထားတယ်။
အဲ့ဒါကို သေချာနားလည်အောင်ဖတ်ဖို့လိုပါလိမ့်မယ်။
ဒါမှ ဘာကြောင့် ကိုယ့်စက်က အခုလို speed လျော့ပြီးတော့
business / enterprise ကိုပြောင်းသုံးခိုင်းတာလဲဆိုတာ။

ဘာကြောင့်ဆိုတာ သေချာအဖြေမရှာကြသေးပဲ
Data usage screenshot တွေ တင်ပြီးတော့
ပိုင်ရှင်တွေကို နောက်ထပ် စိတ်ကင်ဆာတွေ
ထပ်ပေးနေတာတွေ တွေ့ရပြန်ပါပြီ။

အကောင်းဆုံးကတော့ မလိုအပ်ရင် facebook မကြည့်တာအကောင်းဆုံးပါပဲ 😁

8:38PM - အခြေအနေပြန်ကောင်း

Ruijie Cloud ထပ်နှေးပြန်ပြီထင်ပါတယ်။
ကုဒ်ထုတ်မရ၊ ကုဒ်ကြည့်မရတွေဖြစ်နေပါသည်။

တော်တော်များများ အင်တာနက်သုံးတာက Social / Video နဲ့ သတင်းတွေကြည့်တာမျိုး အများဆုံးဖြစ်ပါတယ်။

ထို့အတွက် သိပ်အရေးမကြီးတဲ့ ဖိုင် size ကြီးတဲ့
download လုပ်တာမျိုးတွေကို တားဖို့အတွက်

Ruijie Reyee App Block ထဲက
- Databank / P2P Software စတာတွေကို block လုပ်သင့်ရင် လုပ်ထားပါ။

- Online လောင်းကစားတွေအတွက်ကတော့ Online_Gambling
VPN Protocol တွေကိုပိတ်ချင်ရင်တော့ NetworkService ဆိုတာတွေကို
ထည့်ပြီးပိတ်နိုင်ပါတယ်။

လက်ရှိ Data Plan ပြောင်းခိုင်းခံရတဲ့စက်တွေကလဲ
ကျွန်တော့် တစ်ဦးတည်းအမြင်အရဆိုရင်
Traffic သုံးတာများတယ် မများဘူးထက်
File Storage / Hosting တွေကနေ ဖိုင်ကြီးတွေ ဒေါင်းလုပ်အဆွဲများတာမျိုး၊
ပြီးတော့ ကန့်သတ်ထားတဲ့ ဖိုင်မျိုး၊ copyright ပါတဲ့ ဖိုင်များ ( ဥပမာ ဇာတ်ကားတွေ၊ crack software တွေ etc.. ) တွေ ဆွဲတာများတာမျိုးကြောင့်လဲ
ဖြစ်နိုင်ပါတယ်။

ထို့အတွက် ကိုယ်ကတော့ မဆွဲဘူးဆိုပေမယ့်၊ wifi လွင့်ထားတော့
အောက်က သုံးနေတဲ့သူတွေက ဆွဲနေရင်လဲ ကိုယ့်စက်ပဲ ထိနိုင်မယ့်အမျိုးဆိုတော့
Social / Video / News တွေကိုသာ ဦးစားပေးဖွင့်ထားပြီး
ကျန်တာတွေကို ပိတ်ထားတာက အနည်းအကျဉ်းသက်သာပါလိမ့်မည်။

#timecodemanager

မနက်ဖြန် ပိတ်မယ် ၊ မပိတ်ဘူးဆိုတာတော့
မကြာခင် အဖြေထွက်လာတော့မှာပဲ ဖြစ်ပါတယ်။

တကယ်ပိတ်ခဲ့ရင်တော့ အီလွန်မက်နဲ့ အမျိုးတော်စပ်သူတွေက
လိုင်းပေါ်မှာတက်တက်ရေးပြီး ပြောတာ
မှန်ကန်တယ်လို့ သတ်မှတ်ရမှာဖြစ်ပြီး
တကယ်မပိတ်ခဲ့ရင်တော့ စက်ပိုင်ရှင်တွေ ဝမ်းသာရမှာပဲဖြစ်ပါတယ်။

မပိတ်ခဲ့ရင်တော့ လိုင်းပေါ်မှာ စာရေးရေးပြီး စက်ပိုင်ရှင်တွေကို
စိတ်ဒုက္ခအပေးဆုံးဖြစ်တဲ့ အီလွန်မက်အမျိုး နဲ့ သွေးမတော်တဲ့ သား တွေကိုလဲ
ပြန်လည်ပြီး စိတ်ဒုက္ခထပ်ပေးရမှာဖြစ်ပါတယ်။ 😅

( ဘောလုံးပွဲ ကြေငြာတဲ့ အသံမျိုးဖြင့် ဖတ်ရန်။ 😁 )

Expired ဖြစ်သွားတဲ့ Voucher Code တွေကို အမြဲ ဖျက်ထားသင့်လားဆိုတာ..
တစ်ချို့ဆိုရင် expired ဖြစ်နေတဲ့ voucher တွေပဲကို
4000 ကျော်လောက်ထိမဖျက်ပဲ ထားထားတာတွေ့ဘူးပါတယ်။

မဖျက်တာလဲပါမယ် ဒါမှမဟုတ် ဖျက်ရမယ်ဆိုပြီးတော့
ပြောပြမယ့်သူမရှိတာလဲပါလောက်ပါမယ်။

အကောင်းဆုံးကတော့ expired code တွေကို
ပြန်လိုက်စစ်မှာမဟုတ်ရင် ဖျက်ထားတာကောင်းပါတယ်။

ဒါက မိမိ project ( gateway id တစ်ခုစာ ) အတွက် voucher code allocate ( database ) အတွက်လဲ ပိုမိုပေါ့ပါးစေနိုင်ပါလိမ့်မယ်။
ထို့အတူ ruijie cloud ဘက်မှာလဲ data တွေ ရယူရတာ၊ generate လုပ်ရတာတွေအတွက်လဲ ဝန်ပေါ့စေသွားမှာပါ။

သုံးပြီးသား code တွေကို လွယ်လွယ်ကူကူနဲ့ အမြန်ဖျက်ဖို့အတွက်
အောက်ပါနည်းလမ်းလေးတွေနဲ့ ဖျက်နိုင်ပါသည်။
ဖျက်နည်း ( ၁ )
https://www.facebook.com/share/p/1AAQsvwZHP/
ဖျက်နည်း (၂)
https://www.facebook.com/share/v/1DN4npLai8/

#timeCodeManager

- တစ်ချို့ Code ထည့်ရတာကြာတယ်၊
- Code ထည့်တဲ့ဟာ ပေါ်ဖို့ကြာတယ်
- ထည့်ထားတဲ့ code တွေလဲ ပြန်ပြုတ်ပြုတ်သွားတယ်ဆိုပြီး
လာမေး၊ လာပြောကြတာတွေရှိပါတယ်။

မိမိတို့လဲ အဲ့လိုကြုံနေရရင် အကုန်လုံးဖြစ်နေပါလားဆိုတာ
သိရအောင် post တင်ပေးခြင်းဖြစ်ပါသည်။

"မြန်မြန် ပြန်အဆင်ပြေဖို့အတွက်ကတော့
Ruijie ဘက်ကို report ဝိုင်းတင်ဖို့ပဲ အကြံပေးဖြစ်ပါတယ်ခင်ဗျ"

ကျွန်တော်တော့ ကြားထဲကနေ error ဖြစ်တိုင်း
report လုပ်ပေးရတာပင်ပန်းလာပြီမို့ နားပါပြီ။
အမြဲ report လုပ်ပေးပြီး error တွေကိုလဲ
အချိန်နဲ့တစ်ပြေးညီ တင်ပေးဖြစ်၊ ကူညီပေးဖြစ်ပြန်တော့လဲ
ကျွန်တော့်ကို ruijie ဘက်ကလူထင်ပြီး
တစ်ချို့တွေက မင်းတို့ ruijie က ဘာညာတွေနဲ့ လာဆဲတာမျိုးတွေ၊
အထင်လွဲတာမျိုးတွေ ကြုံခဲ့ရပါတယ်။

ဆိုတော့ စက်ပိုင်ရှင်တွေနဲ့ ruijie ကြား error တစ်ခုခုဖြစ်တိုင်း
ကူညီပြီး report တင်ပေးတာမျိုးတွေ နားလိုက်ပြီဆိုတာ အသိလာပေးတာပါ။

ကိုယ်တိုင် report တင်လို့ရအောင်အတွက်လဲ
အရင်က post လေးတင်ပေးထားဖူးပါတယ်။

---------
လက်ရှိတော့ ကိုယ်လက်ခံထားတဲ့ Project တွေအတွက်လောက်ပဲ
အားပိုစိုက်ပေးဖြစ်ပါတော့မယ်။

အားလုံးပဲအဆင်ပြေကြပါစေ။

#timeCodeManager
#ruijieVoucherManager

Firmware အသစ်တွေမှာတော့ http inject ပါတဲ့ VPN တွေနဲ့က
တော်ရုံကျော်မရတော့ပါဘူး။
Firmware အဟောင်းနဲ့စက်တွေမှာတော့
လွယ်လွယ်ကူကူကျော်လို့ရနေပါဦးမည်။
အကယ်လို့ အသစ်ရော၊ အဟောင်းရောမှာပါ တော်ရုံ http inject vpn ကျော်သုံးလို့မရအောင်ဆိုရင်တော့
dns redirect ကိုပြင်သုံးရင် အေးဆေးဖြစ်ပါတယ်။
http inject vpn တွေတော်တော်များများက
ruijienetworks(.)com ကို မှီခိုပြီးကျော်တာများပါတယ်။
ထို့အတွက် အဲ့ဒါကို မသုံးတော့ပဲ ကိုယ့်စိတ်ကြိုက် url နဲ့သုံးလိုက်တာမျိုးပါ။
အခုလို ပိတ်လို့ရတယ်ဆိုတာကိုတော့ share လုပ်ပေးလိုက်ပါတယ်။
ကျန်တာကတော့ မိမိတို့ ဆားဗစ်အပ်ထားတဲ့ ဆရာတွေကိုပြောပြီးတော့ပဲ
လုပ်ပေးခိုင်းရုံပါပဲ။

#timeCodeManager
#ruijieVoucherManager

မနေ့ကရင်း voucher code မတောင်းပဲ၊
Auto ချိတ်ပြီး လိုင်းသုံးနေလို့ရနေတယ်ဆိုပြီး
လာမေးကြပါတယ်။

တော်တော်များများကတော့ Ruijie Cloud Error ဆိုပြီးထင်နေကြပါတယ်။

ကျွန်တော်တို့ထံမှာ လစဉ်ဆားဗစ်အပ်ထားတဲ့
စက်တွေကိုစစ်ကြည့်လိုက်တဲ့အချိန်မှာတော့
Ruijie ဘက်က မဟုတ်ပဲ
အင်တာနက်လိုင်းဘက်ကနေ dns resolve မဖြစ်တော့
ruijie portal ရဲ့ address အသစ်ကို မသိတော့ပဲ error ဖြစ်သွားတာမျိုးပါ။

Voucher Code တောင်းတာမပေါ်လာပဲ
လိုင်း Auto ချိတ်သွားတယ်ဆိုတာကလဲ အရင်ကတင်ဖူးထားသလို
Portal Bypass ကို ဖွင့်ထားကြလို့ပါ။
အကယ်လို့ Auto မချိတ်စေချင်ရင်တော့
မိမိတို့စက်ကိုဆားဗစ်လုပ်ပေးထားတဲ့သူတွေကိုဆက်သွယ်ပြီး
Portal Bypass ပိတ်ထားလား၊ မပိတ်ထားဘူးလား စစ်ဆေးခိုင်းကြည့်ပါ။
Voucher Code မတောင်းတဲ့ error ကတော့
dns resolve ဖြစ်သွားရင် ပြန်ကောင်းသွားပါလိမ့်မယ်။
အဲ့ဒါကို မစောင့်ချင်ဘူးဆိုရင်လဲ ဆားဗစ်ဆရာတွေကိုအပ်ပြီး
ပြင်ခိုင်းလို့ရပါတယ်။
---
ကျွန်တော်တို့နား svip ဝင်ထားသူ၊ လစဉ်ဘေဆောင်နေသူများအနေနဲ့
အထပ်ပါ error ကြုံနေရရင်လဲ လာရောက်ပြောပေးပါ။
အဆင်ပြေအောင်ပြင်ဆင်ပေးပါမည်။

#timeCodeManager
#ruijieVoucherManager

ဘယ်ဖုန်းက အများဆုံးသုံးထားလဲကြည့်ပြီး
speed limit လုပ်ချင်တဲ့သူတွေအတွက်
ဒီဟာလေးနဲ့ GB အများဆုံးသုံးနေတဲ့ Devices ကို
အစဉ်လိုက်ပြပေးပါတယ်။
( Data အတိအကျကတော့ Time Code App က ဆုံးဖြတ်တာမဟုတ်ပဲ
Ruijie Cloud က ပေးတဲ့ data ကိုပဲ အများဆုံးဟာကို အပေါ်ဆုံးမှာပြအောင်လုပ်ပေးထားတာပါ။ )
----------
Client Sync Update အတွက် လုပ်နေတာလေးပြီးသွားရင်တော့
Data တွေကို ယခုထပ် ပိုပြီး update ပြလာနိုင်တော့မှာပါ။
အဲ့ဒါသာရသွားရင် အချိန်ပြည့်ပြီး လိုင်းမဖြတ်သွားတာတွေ၊
GB Limit ကိုမှ ပြည့်သွားပေမယ့် နောက်ထပ် GB ကျော်သွားမှ
လိုင်းပိတ်သွားတာမျိုးတွေအတွက် ပိုပြီး အဆင်ပြေလာပါလိမ့်မည်။
#timeCodeManager
#ruijieVoucherManager

အခုရက်ပိုင်း internet data usage များလို့ဆိုပြီး
Roam Unlimited ကနေ GB အလိုက်ပေးရတဲ့ Plan ကိုပြောင်းခိုင်းတာတွေ
ကြုံရတာတွေ့ရပါတယ်ဗျ။

Roam Unlimited Plan ဖြစ်နေသေးတဲ့သူတွေအနေနဲ့
Data usage ကို အများကြီး မဖြစ်သွားအောင် စဉ်းစားရပါတော့မယ်။

ဒါကြောင့် မိမိတို့ voucher code group တွေမှာ
Speedlimit တွေ မကန့်သတ်ထားရင်
မဖြစ်မနေ speed limit ကန့်သတ်ထားဖို့ လိုလာပါပြီ။

နောက်တစ်ခုကတော့ tiktok အသုံးများတဲ့သူတွေရယ်၊
Telegram ကနေ video တွေကြည့်တာ၊ ဒေါင်းလုပ်လုပ်တာတွေကို
limit ကန့်သတ်နိုင်ရင်လည်း သိသိသာသာ သက်သာပါလိမ့်မည်။

#timeCodeManager
#ruijieVoucherManager